ಸಪ್ತಪದಿ

ಸಪ್ತಪದಿ

ಬಾಳ ಸಂಗಾತಿ ಸ್ನೇಹದಲಿ

ನಡೆವೆನೆಂದೆ ನಾ  

ದೈಹಿಕ ಮಾನಸಿಕ ಆಧ್ಯಾತ್ಮದಲಿ

ಜೊತೆ ನೀಡುವೆನೆಂದೆ ನೀ  

ಜ್ಞಾನದಲಿ ಸೌಖ್ಯದಲಿ ಸಮರಸದಲಿ

ನೀಸಮಾನಳೆಂದೆ ನಾ

ದೈವಾನುಗ್ರಹ ಸದಾಯಿರಲಿ

ಎಂದು ಹಾರೈಸುವೆನೆಂದೆ ನೀ

ಆರ್ಥಿಕ ಅಭ್ಯುದಯದಲಿ

ದುಡಿವೆನೆಂದೆ ನಾ

ಧೀರ್ಘಾಯುಷ್ಯದಲಿ

ಜೊತೆಗೂಡಿ ಬಾಳ್ವೆನೆಂದೆ ನೀ  

ಎಲ್ಲ ಕನಸುಗಳ ಐಕ್ಯದಲಿ

ಪೂರೈಸುವೆನೆಂದೆ ನಾ

ಏಳುಬೀಳುಗಳ ಜೀವನದಲಿ

ಅಂತರಾರ್ಥ ಹುಡುಕಿದೆ ನೀ

ಸಪ್ತಪದಿಯ ಅಂತರ್ವಾಣಿಯ

ಹೇಳುವೆ ನಾ  

ಸಪ್ತಲೋಕಗಳಲೂ

ನೀ ಎನಗೆ ನಾ ನಿನಗೆ