ಗಂಧಾಕ್ಷತೆ : ಕೈಗೆಟುಕಿದರೂ ಅರ್ಥರಹಿತವೇಕೋ ಈ ಪ್ರಪಂಚ

ಕೈಗೆಟುಕಿದರೂ ಅರ್ಥರಹಿತವೇಕೋ ಈ ಪ್ರಪಂಚ

ಮೂಲ: ಸಾಹಿರ್ ಲುಧಿಯಾನ್ವಿ

ಭಾವಾನುವಾದ: ರವಿ ಗೋಪಾಲರಾವ್

ಅರಮನೆ ಭರಿತ ಮುಕುಟಪ್ರಾಯ ಪ್ರಪಂಚವಿದು

ಮನುಷ್ಯದ್ರೋಹಿ ಪ್ರತಿಷ್ಠಾಪಿತ ಪ್ರಪಂಚವಿದು

ಹಣದ ದಾಹದಲಿ ಮುಳುಗಿದ ಕಟ್ಟಳೆಗಳ ಪ್ರಪಂಚವಿದು

ಕೈಗೆಟುಕಿದರೂ ಅರ್ಥರಹಿತವೇಕೋ ಈ ಪ್ರಪಂಚ (೨)

ಒಂದೊಂದೂ ಘಾಸಿಗೊಂಡ ದೇಹ ತೃಷೆ ತಣಿಸದ ಆತ್ಮ

ಕುಡಿನೋಟದಲಿ ಗೊಂದಲ ಹೃದಯದಲಿ ತಲ್ಲಣ

ವ್ಯಥೆಯ ಸಂವೇದನೆ ಅರಿಯದ ಎಂತಹ ಪ್ರಪಂಚವಿದು

ಕೈಗೆಟುಕಿದರೂ ಅರ್ಥರಹಿತವೇಕೋ ಈ ಪ್ರಪಂಚ (೨)

ಇದುವೇ ಮನುಜಕುಲದ ನಗುವಿನ ಗೊಂಬೆಯಾಟ

ನಿರ್ಜೀವಿಗಳ ಈ ಬಸದಿ ಪರರದೇ ಈ ಬಸದಿ

ಅದೇಕೋ ಇಲ್ಲಿ ಸಾವಿಗಿಂತಲೂ ಬದುಕೇ ಕಳಪೆ

ಕೈಗೆಟುಕಿದರೂ ಅರ್ಥರಹಿತವೇಕೋ ಈ ಪ್ರಪಂಚ (೨)

ದಾರಿತಪ್ಪಿಹದು ಯವ್ವನ ಮನ ಕೆರಳಿಸಿಹುದು

ಯವ್ವನದ ಮಾರುಕಟ್ಟೆಯಲಿ ಸಜ್ಜಾದ ದೇಹವಿದು

ವ್ಯಾಪಾರದಲಿ ಪ್ರೀತಿಯೇ ವಿಕ್ರಯ ಆಗಿಹುದು

ಕೈಗೆಟುಕಿದರೂ ಅರ್ಥರಹಿತವೇಕೋ ಈ ಪ್ರಪಂಚ (೨)

ಮನುಜರಿಗೆ ಬೆಲೆಯಿಲ್ಲದ ಪ್ರಪಂಚವಿದು

ಕೃತಜ್ಞತೆಯೂ ಇರದು ಮೈತ್ರಿಯೂ ಇರದು

ಕಿಂಚಿತ್ತು ಪ್ರೀತಿಯ ಮರ್ಮವೂ ಇರದು

ಕೈಗೆಟುಕಿದರೂ ಅರ್ಥರಹಿತವೇಕೋ ಈ ಪ್ರಪಂಚ (೨)

ಭಸ್ಮ ಮಾಡು ಥೂಕರಿಸು ಈ ಪ್ರಪಂಚವನು

ನನ್ನೆದುರಿನಿಂದಲೇ ತೊಲಗಿಸಿಬಿಡು ಈ ಪ್ರಪಂಚವನು

ನಿನ್ನದಷ್ಟೇ ಪ್ರಪಂಚವಿದು ನೀನೆ ನಿಭಾಯಿಸು ಈ ಪ್ರಪಂಚವನು

ಕೈಗೆಟುಕಿದರೂ ಅರ್ಥರಹಿತವೇಕೋ ಈ ಪ್ರಪಂಚ (೨)

_______________

ಏ ದುನಿಯಾ ಅಗರ್ ಮಿಲ್ ಭೀ ಜಾಯೆ ತೋ ಕ್ಯಾ ಹೈ

ಕವಿ: ಸಾಹಿರ್ ಲುಧಿಯಾನ್ವಿ

ಏ ಮೆಹಲೋ ಏ ತಕ್ತೋ ಏ ತಾಜೋ ಕಿ ದುನಿಯಾ

ಏ ಇನ್ಸಾನ್ ಕೆ ದುಷ್ಮನ್ ಸಮಾಜೋ ಕಿ ದುನಿಯಾ

ಏ ದೌಲತ್ ಕೆ ಭೊಕೆ ಏ ರಿವಾಜೋ ಕೆ ದುನಿಯಾ